Un nove fabula con quatro animales in le rolos principal ha apparite in le gratuite Bibliotheca electronic in interlingua.

UMILe musicantes de Bremen  Le famose fratres german Grimm esseva scriptores diligentissime. Poco a poco lor enorme production de contos famose appare in interlingua.

Le contribution le plus recente es le traduction de "Le musicantes de Bremen", un conto phantastic que include un serie de animales que face miraculos. Le parve conto ha essite traducite per le secretario general del Union Mundial pro Interlingua, Sven Frank, como parte del Bibliotheca electronic in interlingua, que cresce tote le tempore.

Le Bibliotheca electronic in interlingua es un collection de e-libros, redigite e publicate per le Union Mundial pro Interlingua (UMI) in www.interlingua.com. Le collection consiste de textos de qualitate que on pote discargar e leger sur un schermo computatorial - o imprimer sur papiro, secundo su preferentias personal.

Le e-libros in interlingua demonstra le ric varietate de textos original o traducite, belletristic o professional, que existe in le litteratura de interlingua. Le e-libros normalmente es editiones con un limitate numero de paginas; libros plus grande, imprimite sur papiro, pote esser comprate per le Servicio de Libros del UMI.

Ligamines:
Servicio de Libros UMI
Le Bibliotheca electronic in interlingua