Radio Interlingua es preste con su quarte emission - iste vice con un interview con le homine detra tres enorme dictionarios.

UMI  Radio Interlingua ha in su quarte emission iste autumno parlate con le persona le plus productive in le mundo de interlingua.

In le interview, le vice-secretario del Union Mundial pro Interlingua, Piet Cleij de Nederland, narra super su production de non minus que tres enorme dictionarios de interlingua, omnes publicate intra poc menses.

Radio Interlingua anque presenta actualitates general e svedese de interlingua, presentate per le redactor Péter Kovács de Hungaria, de Ingvar Stenström (le dynamic secretario del Societate Svedese pro Interlingua, SSI) e de Erik Enfors (le non minus dynamic vice-secretario del SSI).

Radio Interlingua que pote esser ascoltate directemente de www.interlingua.com o como discargas (o podcasts) in le formato MP3, es preste con su quarte emission de 25 minutas.

Radio Interlingua reaperiva in augusto. Le intention es facer un emission per mense con interviews, novas, musica etc., toto in interlingua.

Le adresse directe de Radio Interlingua es www.interlingua.com/radio.

Lege anque:
Benvenite a Radio Interlingua
Mammut no. 3 publicate
Nove dictionario francese con 51.000 parolas
Enorme dictionario ha apparite
Le direction del UMI