Le multe nove libros publicate per Lulu.com pote ora esser trovate directemente per www.interlingua.com.

UMI  Durante le passate menses le litteratura in interlingua se ha augmentate remarcabilemente, gratias al numerose libros publicate per le casa editorial Lulu.com.

Le lista de titulos deveni tote le tempore plus longe. Pro dar un supervista e adjutar le usatores de www.interlingua.com a trovar plus facilemente le nove titulos, on pote ora vider le catalogo de libros in www.interlingua.com e cliccar directemente a cata singule titulo pro ordinar e pagar lo immediatemente. Le libros alora es expedite directemente al adresse que on indica con le ordine.

On trova le lista per cliccar "Libros e litteratura" > "Litteratura publicate per Lulu" o per usar le ligamine directe www.interlingua.com/lulu. Le lista va esser tenite al currente in le spero que multes va supportar le autores per comprar lor libros e assi - indirectemente - supportar interlingua e le publication de sempre plus de libros.

Le UMI anque ha su proprie boteca de publicationes, le Servicio de Libros UMI.

Lege anque:
 UMI assume tote vendita de libros
Litteratura in interlingua cresce multo
Duo nove libros in interlingua
Enorme dictionario svedese sur papiro
Mammut no. 3 publicate
Nove dictionario francese con 51.000 parolas Servicio de Libros UMI
Bibliotheca electronic in interlingua