Un programma popular de questiones in le radio national de Danmark usava cinque minus super - e in - interlingua.

UMI  "Qui inventava interlingua, e pote on esser inseniate?" Iste question de un ascoltator duceva a plus que cinque minutas super interlingua in le Radio Danmark national.

In le programma "Le angulo de questiones" (in danese: Spørgehjørnet) jovedi le 22 de januario interlingua esseva tractate. Le ascoltatores pote demandar omne questiones, e le redaction alora essaya responder los. In le responsa esseva explicate como le Association de un Lingua Auxiliar International (IALA) laborava durante quasi 27 annos pro formar interlingua, como illo pote esser usate pro omne scopos, que il ha un ample litteratura - i.a. le contos de H.C. Andersen -, e le redactor refereva al sito del Union Danese pro Interlingua (www.interlingua.dk) e mesmo legeva un texto in interlingua trovate in le pagina. Ille anque mentionava le mini-cursos gratuite al sito e refereva al inseniamento de interlingua mentionate in le sito.

Al sito del Radio Danmark, il ha ora un ligamine del pagina de Spørgehjørnet a www.interlingua.dk. Le mention ja ha resultate in numerose requestas de information de nove interessatos.

Le emission in danese pote esser ascoltate directemente del pagina de Spørgehjørnet o como podcast.

Le programma esseva retransmittite sabbato le 24 e duo vices lunedi le 26 de januario.