Cognosce tu tote le paises in le mundo - e que es le nomine del capital? Qual marca ha il sur le automobile? E que hora es il in iste pais? Un supervista de tote le mundo es le nova in le section Interlingua pro juniores.

  De qual pais veni un automobile con le marca BH? In qual pais se appella le capital Valletta? Qual hora es il actualmente in Oman? Que es le adresse de Internet de Kazakhstan? E qual valuta usa on in Danmark?

Le mundo es enorme, e il ha multissime paises. Cognosce tu le geographia ben? Ora tu pote facer un test de tu intelligentia. Visita le section Interlingua pro juniores e discarga le nove brochure "Geographia: Paises e factos - un supervista del mundo". Illo es plen de informationes utile, e tu pote facer un quiz con tu amicos.

Informa tu amicos e amicas que illes anque pote visitar www.interlingua.com/juniores. E scribe a nos, si tu mesme ha bon ideas a materiales pro altere juniores. Tu pote cliccar ci e inviar tu message al redactor del magazin Panorama, qui scribe le paginas pro juniores. Geographia: Paises e factos