Quasi 100 paginas extra ha essite addite al grande dictionario francese-interlingua.

  Le secunde edition del "Dictionnaire Français-Interlingua" (Dictionario francese-interlingua) per Piet Cleij ha apparite.

Durante le septe menses desde le publication del prime edition, le vice-secretario del Union Mundial pro Interlingua (UMI) se ha occupate cata die del revision, corrigente plure errores e introducente centenas de nove entratas e multissime nove exemplos, phrases e locutiones. Pierre Morin de Quebec in Canada ha assistite con le correctura.

Le nove edition ha 545 paginas A4, 95 paginas plus que le prime edition, e contine circa 52.000 entratas.

Illo es publicate per le imprimeria Lulu. Le precio es 30 euros + porto postal de 5,76 euros in le zona del euro.

Compra le Dictionnaire Français-Interlingua directemente de Lulu per cliccar ci.

E visita www.interlingua.com/lulu pro vider tote le libros in interlingua publicate per Lulu - con ligamines directe a cata publication.

Lege anque:
 Cerca libros publicate per Lulu in www.interlingua.com
UMI assume tote vendita de libros
Litteratura in interlingua cresce multo
Duo nove libros in interlingua
Enorme dictionario svedese sur papiro
Mammut no. 3 publicate
Nove dictionario francese con 51.000 parolas Servicio de Libros UMI
Bibliotheca electronic in interlingua