Le proxime incontro de interlingua in Göteborg es le 6 de april - ma a un nove café.

  Interessatos e usatores de interlingua debe ir a un nove adresse pro assister al mensual incontros de interlingua in le urbe west-svedese Göteborg.

Lunedi le 6 de april a 18 horas e martedi le 5 de maio a 18 horas on se incontra in le Café "Le Pain Français" a Olkskrokstorget. Illo es justo al stop de trames e autobuses (numero 3, 1, 6, 8 e autobus numero 17). Il ha anque un parcamento vicin a precios rationabile.

Le incontros mensual es un activitate del Societate Svedese pro Interlingua. Omnes es benvenite. Toto es informal, e nulle persona expecta que un comenciante pote exprimer se sin errores. Omnes es invitate a venir e ascoltar e, plus tarde, participar in le conversationes.

On es benvenite preparar un breve historia super qualcosa que on ha experientiate o legite. E si on apporta un altere interessato, isto es excellente.

Plus de informationes pote esser requirite del secretario del SSI (vide le adresse e numero de telephono a www.interlingua.nu).