In septembre comencia le 18ve saison con curso de interlingua in le centro de Copenhagen.

  Pro le 18ve saison consecutive, le Union Danese pro Interlingua (DIU) offere cursos mensual gratuite in le capital danese, Copenhagen, de septembre.

Le si-appellate Vesperes de Interlingua ha loco in le Schola Nyboder, proxime al Station Østerport, un del plus centrales in Copenhagen, le ultime martedi de cata mense de septembre a maio (inclusive) inter 19 e 21 horas. Le vesperes essera in local 410. Instructor es Thomas Breinstrup, secretario del DIU.

Le emphase del curso es conversar in interlingua, ma cata vice on anque audi le novas le plus recente del labor de diffunder interlingua.

Pro plus de informationes, contacta info@interlingua.dk.