Audi un encyclopedia parlante e un redactor, qui pote sonar duo instrumentos musical al mesme tempore, in le 11me emission del superpopular Radio Interlingua.

  Musica hungare vivente, un encyclopedia parlante e un tresorero qui dansa. Isto es partes del 11me emission de Radio Interlingua.

In le emission de junio (que ha justo apparite in julio!), le redactor Péter Kovács de novo presenta un varietate de themas e personas del mundo de interlingua, ben accompaniate per su proprie musica. Nam ille es parte de un gruppo musical folkloristic que recentemente visitava Svedia.

Le interlinguista nederlandese Martijn Dekker registra textos del Wikipedia in interlingua, assi que on pote ascoltar e discargar los. Radio Interlingua presenta su presentation del parola "populo". Il ha anque un interview con le co-tresorero del Societate Svedese pro Interlingua, Mats Fredmark, qui i.a. revela que ille ha interesse pro dansar. E alora on pote ascoltar, como Péter Kovács mesme succede jocar duo instrumentos al mesme tempore!

Radio Interlingua es un servicio gratuite del UMI. Illo recomenciava in augusto 2008 post quasi dece annos de pausa e presenta cata mense un nove programma con interviews, novas, musica etc. Toto es in interlingua, assi que on pote audir, como interlingua es un lingua in plen flor e multo vivente, gratias al multe voces qui participa in le labor.

p>Tote le usque ora 11 programmas de Radio Interlingua pote esser ascoltate directemente del adresse www.interlingua.com/radio o discargate in formato MP3, assi que on pote audir lo quando e ubi on lo vole.

Radio Interlingua ha in breve tempore devenite multo popular. Le prime emission ha essite discargate plus que 4.700 vices e essite ascoltate ancora quasi 1.000 vices directemente de Internet. Plure del altere emissiones ha essite discargate plus que 2.000 vices.

Lege anque:
 Interview in interlingua con puero de 2 annos (2009-03-02)
Interview con le historico (2009-03-02)
Jocos, musica e interview in Radio Interlingua (2009-02-14)
Milles ascolta Radio Interlingua (2009-01-24)
Nove programma de Radio Interlingua (2009-01-18)
Maestro de parolas in Radio Interlingua (2008-12-08)
Nove programma de Radio Interlingua (2008-11-07)
Nove emission de Radio Interlingua (2008-09-15)
Radio Interlingua retorna (2008-08-17)