Joco de strategia super colonisation in interlingua
Discarga e joca gratuitemente sur le computator - in interlingua.
Usatores de interlingua qui ama jocar jocos de strategia va gauder que illes ora anque pote jocar in interlingua.
Le joco FreeCol, similar al plus cognoscite "Civilization", ora existe completemente in interlingua. FreeCol tracta de crear un nation independente in le Nove Mundo in anno 1492, i.e. le colonisation de America. FreeCol es gratuite a discargar, installar e usar, e post le installation del programma il es possibile seliger interlingua como le lingua del joco.
FreeCol existe pro Windows, Mac OSX e Linux. Le traductor in interlingua es Martijn Dekker, le vice-secretario nederlandese del Union Mundial pro Interlingua (UMI). Ille ha antea traducite i.a. le interfacie de Google e de Wikipedia in interlingua.
Discarga FreeCol de http://freecol.org.
Lege anque: