Lista supplementari inricchi le vocabulario de interlingua ancora plus.

UMI  Interlingua es un international lingua natural que se developpa con su septe linguas fonte e assi obtene un vocabulario sempre plus ric.

Ora appare le quinte edition del "Lista supplementari de vocabulos international" con 30.000 parolas que non se trova in le obra fundamental de interlingua, le "Interlingua-English Dictionary". Le collection ha essite elaborate per Piet Cleij, ex-secretario general del Union Mundial pro Interlingua e autor de numerose dictionarios de interlingua in plure linguas.

Tote le entratas in le dictionario es in interlingua sin traduction ma con indication del gruppo grammatic (substantivo, verbo etc.).

Le quinte edition ha 223 paginas in le formato A5 paperback e costa, intra le Union Europee, 12,50 euros plus costos de expedition (intra le UE 4,99 euros). Illo es publicate per le casa editorial Lulu.

Vide le publicationes de interlingua imprimite per Lulu ci: www.interlingua.com/lulu.