Le libros del bibliotheca electronic in interlingua dispareva - ma ha ora retornate al plancas digital.

UMI  Le bibliotheca electronic in interlingua ha de novo un grande collection de titulos sur su plancas digital.

Un error technic causava le disparition total de omne le e-libros e altere e-materiales gratuite, assi que le visitatores solmente poteva leger le description del offertas attractive ma non habeva un chance de leger o discargar los.

Toto es ora de novo preste pro omnes, qui apprecia interlingua e vole approfundar se plus in le lingua. Le bibliotheca electronic in interlingua es un collection de e-materiales (libros e audio), publicate per le Union Mundial pro Interlingua in www.interlingua.com/e-libros. Tote le materiales es gratuite. On pote discargar los a su proprie computator o leger los directemente sur le schermo.

Le bibliotheca electronic in interlingua va in breve tempore esser fortemente augmentate. Un serie de nove titulos es in via al plancas digital.

Bibliotheca electronic in interlingua

Lege plus: Le bibliotheca electronic in interlingua