Un serie de nove e-libros gratuite ha essite addite al collectiones in le Bibliotheca electronic in interlingua.

UMILe aventuras del baron Münchhausen  Le grande collection de e-libros e altere e-materiales gratuite in le Bibliotheca electronic in interlingua ha devenite ancora plus grande in occasion del anno nove. Un serie de e-libros multo interessante ha essite addite.

Le additiones comprehende:

- Charles Perrault: "Le catto con le bottas", un classico italian facite texto pro le theatro de marionettes e traducite per Onofrio Notarstefano

- "Le aventuras del baron Münchhausen", octo contos con le mentitor le plus famose del mundo, traducite per Peter Liebig e illustrate per Gustave Doré

- Georges Feydeau: "Le purga de Bébé", un vaudeville francese traducite per Onofrio Notarstefano

- "Tres contos favorite", seligite e traducite in interlingua per Petyo Angelov. Le contos es "Le turco" per Fernando Sabino de Brasil, "Pote io parlar con Nina?" per Kir Bulychov de Russia, e "Io non comprende" per Radoje Domanovic de Serbia

- "Gladiator", le version in interlingua del manuscripto del famose film, traducite per Selahattin Kayalar

Le nove obras esseva originalmente elaborate como Extras pro le abonatos del Panorama in interlingua ma entra ora in le Bibliotheca electronic in interlingua plus permanentemente.

Le Bibliotheca electronic in interlingua es pro omnes, qui apprecia interlingua e vole approfundar se plus in le lingua. Le bibliotheca es un collection de e-materiales (libros e audio), publicate per le Union Mundial pro Interlingua in www.interlingua.com/e-libros. Tote le materiales es gratuite. On pote discargar los a su proprie computator o leger los directemente sur le schermo. Tote le libros es in le formato PDF, e si on non desira leger los sur le schermo, on pote mesme imprimer los sur papiro.

Visita le Bibliotheca electronic in interlingua e cerca mesme tu litteratura.