Chepelare
Visita le pagina official del 19ne Conferentia International de Interlingua

Audi le prime de multe reportages ab le 19ne Conferentia International de Interlingua in Bulgaria.

UMIRadio Interlingua  Il non se tracta de secretos, ma le voce es sempre basse, quando le homine detra le microphono parla.

In le prime de un serie de reportages e interviews del 19ne Conferentia International de Interlingua, Radio Interlingua in su emission de augusto presenta reflexiones e observationes personal de Péter Kovács, le redactor. Ille ha usate le microphono pro registrar su impressiones e observationes e assi dar un imagine plus comprehensive del multe activitates, discussiones, projectos e resultatos que ha venite del septimana conferential in Chepelare, Bulgaria, le 23-30 de julio 2011.

"Mini-blogs auditive" es le notion que Péter Kovács mesme usa pro su reportages personal. In le veniente emissiones on pote audir plus de interviews con personas ab tote le mundo - mesmo con le redactor mesme! - e novas, reportos e probabilemente mesmo cantos del septimana active.

Como sempre, le emission contine plus de pecias de musica original componite e presentate per le musico hungare Csaba Kocsis specialmente pro Radio Interlingua.

Radio Interlingua publica cata mense un nove emission totalmente in interlingua sub le redactorato de Péter Kovács, Hungaria, qui in augusto 2008 assumeva le carga. Le emissiones ha devenite multo popular. Milles de personas los discarga in formato MP3 o ascolta directemente in www.interlingua.com/radio.