Spontaneemente, le participantes del conferentia de interlingua registrava un film humoristic.

UMI  Le personas in iste film merita un Oscar pro le production le plus rapide in le historia del film.

"Le clave perdite" es un film humoristic de quasi cinque minutas, create e registrate durante le 19ne conferentia international de interlingua in Chepelare, Bulgaria, in julio 2011. Le idea veniva spontaneemente durante le labor in gruppos pro crear qualcosa nove pro facer plus de personas in tote le mundo interessar se pro interlingua. E minus que un hora plus tarde, le registrationes habeva comenciate.

Le resultato es un film humoristic de un clave ... perdite. Un situation que multe viagiantes va recognoscer. Ma ubi es le clave? Seque le effortios de trovar lo in un hotel in le montes bulgare.

Le film es con subtitulos in interlingua, mesmo si tote le dialogo naturalmente anque es in interlingua. Le actores es Madeleine Mahé (Francia), Inger Olsson (Svedia), Mats Fredmark (Svedia), Michel Prim (Francia), Alexandra Kangas (Svedia) e Nils Kangas (Svedia).

Tu pote anque discargar le manuscripto de "Le clave perdite" e un mini-vocabulario pro exercitios.