Le cinque dies in Svedia con cursos intensive e incontro nordic de interlingua costa solmente 300 euros.

UMI  Le precio pro participar in le 13tie incontro nordic de interlingua in julio 2012 es basse - ma non si basse como indicate in le recente edition de Panorama pro januario-februario.

Pro participar in un del tres cursos ab le 25 al 27 de julio, on paga 155 euros inclusive repastos e pernoctation. Erroneemente, iste precio esseva indicate pro tote le cinque dies. Le precio correcte es 300 euros pro tote le cinque dies.

Le formulario de inscription con plus de detalios es correcte.

On pote inscriber se ora. Le ultime possibilitate es le 31 de maio, ma il es consiliabile inscriber se si tosto como possibile pro assecurar que on obtene le typo de camera que on desira. Familias es anque multo benvenite.

Il habera tres cursos intensive de interlingua: un curso pro comenciantes, un curso pro plus avantiates e un curso de conversation pro illes qui desira plus de experientia in conversar super omne themas.

Lege multo plus super le incontro ci: Incontro nordic sur un belle insula in julio 2012 | Invitation: Inscribe vos pro le incontro nordic de interlingua.

Discarga ci le scheda de inscription pro le 13tie incontro nordic de interlingua (in formato PDF)