Invia un salute al incontro nordic de interlingua
Le costa west de Svedia es un idyllio, specialmente durante le estate. Billströmska Folkhögskolan (a sinistre) essera le centro conferential in julio 2012. Illo es bellemente situate proxime al mar (photo inferior). Photos: Billströmska Folkhögskolan
Le organisatores del 13tie incontro nordic de interlingua sur Tjörn, Svedia, le 25-29 de julio 2012 invita omnes a scriber un salute al participantes.
Si tu es impedite de poter participar in le 13tie incontro nordic de interlingua, tu pote totevia participar "a distantia" per inviar al participantes del multe paises un parve salute in interlingua - o in un del linguas scandinave.
Le Union Danese pro Interlingua que es coarrangiator del incontro nordic, ha establite un pagina pro salutes. Per usar le formulario on pote assi inviar su salute al participantes de multe nationes, eventualmente con bon desiros pro le labor de interlingua. Omne salutes - parve como grande - es multo benvenite.
Vade a www.interlingua.dk/nordisktraef2012-salute.htm pro inviar tu salute - e face lo preferibilemente ja hodie.
Lege plus super le incontro nordic ci:
Incontro nordic sur un belle insula in julio 2012
Le insula Tjörn se presenta in interlingua
Invitation: Inscribe vos pro le incontro nordic de interlingua
Le lista del incontros nordic de interlingua