Nove titulos ha apparite in le gratuite Bibliotheca electronic in interlingua que offere centos de horas de lectura.

UMI  Ancora duo obras - iste vice un minihistoria del linguas philosophic e un grammatica essential de interlingua pro omnes, qui parla portugese e/o brasiliano - ha essite addite al gratuite Bibliotheca electronic in interlingua.

Ambe obras ha essite scribite per le brasiliano Cláudio Rinaldi, qui es le redactor del magazin digital cultural "Almanac de interlingua", que es distribuite gratuitemente cata mense a lectores in tote le mundo.

"Minihistoria del linguas philosophic - de Aristotele al Toki Pona" ha 45 paginas. Non omne linguas ha apparite per le methodo natural. Multes ha durante seculos discutite como "producer" le lingua perfecte. Le discussion ha a vices essite multo philosophic, ma le historia de iste ideas es fascinante. Ci illos es presentate, e Cláudio Rinaldi explica anque le methodo que duceva a interlingua.

"Gramática Essencial de Interlingua em Português" de 46 paginas da un instrumento a omne portugeses e brasilianos pro maestrar interlingua. Le grammatica contine explicationes e numerose exemplos illustrative, ma illo anque explica le idea e utilitate de interlingua.

Le Bibliotheca electronic in interlingua es un sempre crescente collection de litteratura gratuite in interlingua - litteratura professional, belletristica e libros pro infantes. On pote leger le e-libros directemente sur le schermo o discargar pro su tabletta computatorial o e-lector, o audir alcunos sur un sonator MP3.

Visita le Bibliotheca electronic in interlingua e selige inter le centos de horas de lectura - absolutemente gratuitemente.

Le Bibliotheca electronic in interlingua es un grande collection de textos in interlingua. Omnes es gratuite.