Plus que 40.000 parolas in interlingua pote ora esser controlate.

UMI  Le quinte version del corrector orthographic pote ora controlar plus que 40.000 parolas in interlingua in textos scribite in i.a. Firefox e Android.

Le corrector orthographic function con productos de Mozilla (Firefox, Thunderbird, Seamonkey) e telephonos mobile con Android e Maemo e es disponite al adresse https://addons.mozilla.org/en-US/firefox/addon/corrector_orthographic/.

Carlos Soreto, representante de interlingua in Portugal e ex-secretario general del Union Mundial pro Interlingua, es le redactor del corrector orthographic, e ille lo ha extendite per ancora plus de parolas, ben assistite per Martijn Dekker, vice-secretario del UMI. Le grande vocabulario ha super toto essite extrahite del 7me edition del "Lista supplementari", redigite per Piet Cleij.

In ultra, le regulas morphologic ha essite adjustate pro coperir automaticamente plus de formas del singule parola. Isto comprehende i.a. le formation de superlativos que se termina in -issime.

Commentarios, listas de nove parolas a includer e/o correctiones es sempre benvenite.

Corrector orthographic
Ecce le corrector orthographic in uso in le programma de e-posta, Thunderbird. Omne parolas non cognoscite (o incorrectemente orthographiate) es sublineate per un linea rubie, e per cliccar con le button dextere del mus on pote seliger un alternative - o adder le parola al vocabulario.