Cursos de interlingua pote usar le placard gratuite in formato A3 como inspiration.

UMI  Per 1.000 parolas on pote exprimer quasi toto in interlingua.

Le lista classic, "Basic interlingua - in 1.000 parolas" que le canadiano Norman Thornton elaborava in 1986, ha ora devenite un placard in formato A3 que on pote usar in le classes de interlingua. Pende lo sur le pariete, assi que le alumnos, qui studia interlingua, pote esser inspirate e repeter pro se mesme (o le unes con le alteres) in le pausas.

Le 1.000 parolas es multo pedagogicamente dividite in varie subgruppos. Il ha 100 parolas grammatic ("un", "le", "in", "proque", "como" etc.), 100 qualitates ("acide", "difficile", "mascule", "morte", "munde" etc.), 50 contrarios ("facile", "ric", "special", "vetule" etc.), 50 substantias ("aere", "coton", "lana", "sablo", "vitro" etc.), 250 cosas picturabile ("arbore", "billet", "caseo", "mano", "patata" etc.), 250 cosas general ("action", "caso", "credito", "mercato", "signo" etc.) e 250 verbos ("continuar", "emplear", "fricar", "plorar", "recommendar" etc.).

Le 1.000 parolas es sin explication, ma le gruppos da un bon idea de illos, e le professor de interlingua pote certo explicar. Memora que il ha "Interlingua - dictionario basic" per Thomas Breinstrup e Italo Notarstefano (compra lo ci) con 2.500 parolas - cata uno explicate per usar le 2.499 altere parolas - e con 360 illustrationes.

Discarga Basic interlingua - in 1.000 parolas

Basic interlingua
Le 1.000 parolas basic pro poter parlar e scriber interlingua es pedagogicamente dividite in subgruppos.