Le "patre" de Sherlock Holmes se interessava pro "le altere latere". Tres de su contos mysteriose appare in le serie "Facile a leger in interlingua".

  Non tote le libros per Arthur Conan Doyle (1859-1930) es super le detective famose Sherlock Holmes. Le autor britannic se interessava anque pro le mysterios del spirito – de lo que se trova “al altere latere”.

Le sexte libro in le serie “Facile a leger in interlingua” esseva publicate in le initio de februario sub le titulo “Le grande experimento in Keinplatz”. Isto anque es le titulo de un del tres contos que, nonobstante le forte credentias del autor in le “irrational”, tracta le argumento de un maniera agradabile e amusante, ma que anque captura le attention del lector usque le ultime fin.

Le tres contos, que omnes ha essite traducite per le diligente Italo Notarstefano, es “Le grande experimento de Keinplatz”, “Le fiasco de Los Amigos” e “Le conto del americano”, e nulle de illos dice un singule parola super Sherlock Holmes. Le mysterios debe iste vice esser solvite per alteres.

Le Union Mundial pro Interlingua ha de novo publicate le libro que costa 6,00 euros + porto postal.

Visita le pagina de "Facile a leger in interlingua" in www.interlingua.com/facilealeger pro explorar le serie e comprar le libros.