Omnes, qui se ha ja inscribite digitalmente pro le conferentia international/incontro nordic de interlingua le 29 de julio al 3 de augusto 2014 in Svedia, debe repeter lor inscription post le discoperta de un possibile error technic.

  Nos ha discoperite que il ha possibilemente (ma non con securitate) habite un error technic in le scheda de inscription pro le grande arrangiamento estive con conferentia international e incontro nordic de interlingua in le adresse www.interlingua.dk/nordic2014.

Pro isto nos demanda omnes, qui ha usate le formulario pro inscriber se, a facer lo ancora un vice. Nos regretta multo le labor extra que on debe facer, ma il es multo importante que nos es secur que nos ha recipite omne inscriptiones correctemente. Le arrangiatores va assecurar que omnes es solmente inscribite un vice, dunque non time que tu recipe duo facturas.

Quando on se ha inscribite correctemente, on va vider sur le schermo un message con un confirmation que le inscription ha essite acceptate.

Le arrangiatores sublinea que omnes, qui se inscribe ante le 5 de maio, recipe un reduction del precio con 500 coronas svedese per persona.

Excusa le labor extra, e gratias pro tu comprension!

Le arrangiatores

Visita www.interlingua.dk/nordic2014 pro leger plus e sequer le novas le plus recente e usa le scheda de inscription immediatemente.