Le autor del "Phantoma del Opera" narra historias horribile - ora anque in le serie "Facile a leger in interlingua".

UMIDuo historias terrificante  Le septime libro in le serie "Facile a leger in interlingua" non debe esser legite, quando on es sol in casa.

"Duo historias terrificante" es scribite per le autor del famose “Le fantôme de l'Opéra”, le francese Gaston Leroux, e illos vermente es horripilante. Un gruppo de vetule marineros se incontra in un café e narra episodios de lor vita, seligente le plus horribile e terrificante, que les face ancora tremer. Quando Capitano Michel narra, como ille ante alcun annos perdeva su bracio, su amicos non crede lor proprie aures. E le conto de Zinzin non es minus terrificante: Un femina multo popular inter le homines debe decider con qui maritar se. Post le maritage su marito subito mori. Illa se marita de novo con numero duo – qui anque mori...

Italo Notarstefano de Italia ha traducite e adaptate le narrationes a "Facile a leger in interlingua". Isto es un serie de libros ubi omne parolas extra le 2.500 definite in "Interlingua – dictionario basic" es explicate (in interlingua) in notas al pede del pagina. Le serie es pro illes qui ama interlingua ma desira apprender plus in un maniera interessante e amusante.

Le precio de "Duo historias terrificante" de 40 paginas A5 es 6 euros + porto postal.

Lege plus e ordina le libros per www.interlingua.com/facilealeger.