Nove e gratuite curso digital de interlingua pro personas qui parla portugese.

UMICurso basic de interlingua (portugese)  Un complete curso de interlingua in 15 lectiones pro omnes qui parla portugese es ora a disposition e pote esser discargate gratuitemente.

Le "Curso básico de interlingua" es scribite per Thomas Breinstrup, redactor del magazin official del Union Mundial pro Interlingua, Panorama in interlingua. Illo ha essite adaptate pro personas, qui parla portugese, per Carlos Eduardo de Paula de Brasil.

Le curso consiste de 10 lectiones basic que presenta le historia de un familia que visita su amicos in Scotia. Il ha vocabularios, explicationes del grammatica e exercitios pro tote le lectiones. Pois seque ancora cinque lectiones con conversationes plus longe. Le curso comprehende anque un grammatica, un clave al exercitios e un vocabulario con le circa 750 parolas del curso.

Tote le curso es presentate in forma digital in le formato PDF. On pote leger le lectiones sur le schermo o discargar los, eventualmente pro imprimer lo sur papiro. Il ha audio (MP3) pro tote le 15 lectiones.

Le curso ha devenite un grande successo e appare in sempre plus de linguas. Actualmente illo existe in danese, norvegiano, anglese, germano, italiano, espaniol, portugese e francese.

Vide le curso ci: Curso básico de interlingua

Vide le section Dictionarios e cursos con multe materiales de interlingua in multe linguas