"Concise English-Interlingua Dictionary" de novo disponibile insimul con nove mini-dictionario interlingua-espaniol.

UMI  Ancora duo importante dictionarios de interlingua ha essite publicate - un in anglese, un in espaniol.

Interlingua - diccionario básico de 2.500 palabras"Interlingua - diccionario básico de 2.500 palabras" per Ricard Wilshusen es un mini-dictionario interlingua-espaniol con le 2.500 parolas usate in le dictionario "Interlingua - dictionario basic" (interlingua-interlingua) que forma le base de i.a. le serie "Facile a leger in interlingua". Illo es le prime dictionario national de su sorta. Simile mini-dictionarios in plure linguas es sub preparation. "Interlingua - diccionario básico de 2.500 palabras" es un PDF de 32 paginas A5, gratuite a discargar e usar sur le schermo o imprimer sur papiro.

Concise English-Interlingua DictionaryLe "Concise English-Interlingua Dictionary" ha durante longe tempore essite exhaurite ma pote ora de novo esser comprate. Le Societate Britannic pro Interlingua lo publicava in 2000 como un secunde edition del dictionario original de 1987, con un vocabulario grandemente actualisate e augmentate, assi que illo coperi omne situationes usual e quotidian. Iste re-edition del 392 paginas costa 20 euros (exclusive le porto postal).

Discarga "Interlingua - diccionario básico de 2.500 palabras" | Compra "Concise English-Interlingua Dictionary" directemente | Visita le section con Litteratura in interlingua.