"Facile contos 1" e "Facile contos 2" presenta textos capturante ab tote le mundo, humoristic e mysteriose, quasi terrificante.

UMIInterlingua 60 annos  Duo nove libros – un con humor, un altere con mysterio e ambes con autores plus o minus famose de tote le mundo – ha apparite in le serie "Facile a leger in interlingua".

"Facile contos 1" e "Facile contos 2" es un collection de traductiones e adaptationes del textos original, presentate in interlingua per Italo Notarstefano. Le libros es numero 10 e 11 in le serie de libros, "Facile a leger in interlingua", ubi omne parolas extra le 2.500 definite in “Interlingua – dictionario basic” es explicate (in interlingua) in notas al pede del pagina, assi que omnes pote leger los.

"Facile contos 1 – contos del humor" (56 pp. A5, precio: 7 euros): Vos ha derecto oblidar vostre mal pensatas que crea dubita, stato anxie e timor. Il ha ci un maniera facile pro facer lo, e vos potera obtener lo solo con 2.500 parolas e poc explicationes. Le juste modo es leger le collection de contos que nos presenta ci. Assi vos legera como Jaroslav Hašek parla re senior Mazuka e su honor offendite de bon marito, o le legier historias de O. Henry, o amusante contos de altere autores. O vole vos rider re le pesante aventura del rana de Calaveras narrate per Mark Twain? Si vos ha anque necessitate de promenar in un mundo de pur phantasia, ecce, il ha textos ab le “Mille e un noctes” e le conto “Le gigante egoista” de Oscar Wilde.

"Facile contos 2 – contos del mysterio" (48 pp. A5, precio: 6,50 euros): Tremer non jammais ha essite assi facile! Solo 2.500 parolas e poc explicationes ulterior, e vos essera portate in un mundo horribile ubi vos essera espaventate per creaturas immunde e umbras perdite de homines non plus vivente. Iste es contento del contos que appare in le collection que nos presenta ci. Montague Rhodes James con su “Cordes perdite” essera le major responsabile de vostre timor, sequite per Théophile Gautier. Ambrose Bierce e Horacio Quiroga vos facera espaventar con lineas anque absurde. Al fin, vos provara un plus legier timor, con un puncta de gaudio, quando vos legera le textos de Mark Twain e Jerome Klapka Jerome.

Lege plus: Facile a leger in interlingua