23 narrationes super stellas de films e del theatro in le septime libro per Toma Macovei.

UMIAb le auro spiritual del scena e del schermo II  Stellas de films e del theatro es in centro in le septime libro per le autor romanian Toma Macovei, “Ab le auro spiritual del scena e del schermo II".

Le copula de films Richard Burton e Elizabeth Taylor, le tragedia super Romeo e Julietta, le elegante ballet “Le laco del cygnos”, le opera comic Le Nuptias de Figaro”, le classicos “Guerra e Pace”, “Lady Hamilton”, “Sur le Don calme” e “Le Miserabiles”, le comedia “Le Viragine domate” per William Shakespeare e le opera phantastic “Tosca” per Puccini es inter le multe – in total 23 – narrationes presentate con enthusiasmo e profunde sapientia e in un linguage capturante e multo variate per Toma Macovei (1911-2003).

Le libro es le septime in un serie de obras biographic e anecdotic que le diligentissime Toma Macovei scribeva, ante que ille moriva. Le publication de ancora un manata de titulos es sub preparation.

In “Ab le auro spiritual del scena e del schermo II", Toma Macovei guida le lectores in le universo fascinante del scena e del schermo, summarisa le action e intrigas e narra tote le historias – e le bon anecdotas.

Le libro es de 168 paginas A5 e costa 10 euros, exclusive porto postal.

Lege plus e compra “Ab le auro spiritual del scena e del schermo II" e le altere titulos de Toma Macovei ci.
Ligamine directe a comprar "Ab le auro spiritual del scena e del schermo II"