Le concurso del Union Mundial pro Interlingua super breve videos in interlingua e con premios attractive es ancora aperite. Le data limite es le 15 de julio.

UMIVenerdi con interlingua  Il ha ancora un mense e medie pro participar in le grande concurso de videos in interlingua, "Io ama interlingua", que le Union Mundial pro Interlingua ha presentate.

Le 15 de julio 2021 es le ultime die pro livrar un o plure videos pro le concurso (lege plus super "Io ama interlingua" ci) que ha premios attractive. Omnes, qui habeva al minus 18 annos le 1 de januario 2021, es invitate a participar.

Le prime premio es 500 euros, le secunde premio 300 euros, e cata mention honorific da un premio de 100 euros.

Le film debe:

  • esser un video que motiva apprender e parlar interlingua.
  • durar al maximo 2 minutas.
  • esser parlate in interlingua correcte.
  • haber subtitulos in interlingua de tote le parolas parlate (in un file separate) e le possibilitate de haber subtitulos separate in altere linguas.
  • esser apte pro un audientia general de tote le etates.
  • le participante debe dar al UMI le permission de publication del video.

Un international gruppo de judices competente va judicar le videos e seliger le ganiatores del competition. Le judices es Paolo Castellina (Grande Britannia), Inger Olsson (Svedia), Daniel Weingärtner (Germania), Jacinto Javier Bowks (SUA), Carmelo Serraino (Italia) e Bohdan Šmilauer (Tchechia).

Lege le regulas pro participar in le concurso “Io ama interlingua” (o discarga los ci). | Studia le Guida de crear subtitulos pro un film (il ha multe altere methodos)