Le edition de Panorama pro julio-augusto es plen de reportos, novas e notitias ab le 24e conferentia international de interlingua – le prime a esser totalmente digital. Gaude a leger lo.

UMIPanorama in interlingua  Le nove edition del magazin Panorama in interlingua es totalmente dedicate al successose 24e conferentia international de interlingua.

Le 28 paginas del edition de julio-augusto contine reportos, novas e notitias super le sex dies energic e successose del conferentia que esseva le prime a esser totalmente digital – e assi "un momento historic", como le secretario general del Union Mundial pro Interlingua, Julian Mendez, lo appellava in su benvenite.

Le edition conferential ha devenite un poco retardate ma essera livrate a tote abonatos digital durante le proxime dies. Le abonatos del edition imprimite pote expectar lo intra circa duo septimanas a causa del expedition postal.

Visita Abona te a Panorama, si tu non ja ha un abonamento. Le costo es solmente 25 euros per anno pro sex editiones imprimite o 10 euros pro sex editiones digital.