Nove films de duo minutas debe presentar interlingua a un publico plus grande e plus variate e convincer les a apprender e usar le lingua in practica.

UMIIo ama interlingua  Le ganiatores del premios in le concurso del Union Mundial pro Interlingua del optime video que presenta interlingua, "Io ama interlingua", ha essite trovate.

Durante le 24e conferentia international de interlingua, le films del quatro finalistas esseva presentate, un video per die, ante que on revelava le positiones final:

  • Prime premio: Carlos Eduardo de Paula, Brasil, pro le film "Interlingua – historia per parolas"
  • Secunde premio: Alberto Hernández, Mexico, pro le film "Io ama interlingua – Que es illo? Proque apprender lo?"
  • Mention honorific: Bruna Petrocelli, Brasil, pro le film "Proque Interlingua va cambiar tu vita?"
  • Mention honorific: José Antonio Vergara, Chile, pro le film "Que interessante es interlingua!"

Le concurso "Io ama interlingua" esseva establite pro invitar le usatores active de interlingua in tote le mundo a demonstrar lor capabilitates de crear capturante videos, que in al maximo duo minutas explica proque il vale le pena apprender e usar interlingua. Le films debe esser in interlingua e con subtitulos in interlingua e possibilemente altere linguas. Illos essera parte del labor de information que le Union Mundial pro Interlingua face pro promover interlingua.

"Le differente stilos significa que nos attinge plus diverse personas in le mundo," diceva Julian Mendez, le secretario general del UMI, con grande satisfaction, quando ille presentava le ganiatores e laudava le alte nivello de qualitate del films e le variate manieras de presentation de interlingua.

Un international gruppo de judices ab sex paises ha judicate le videos e seligite le finalistas e ganiatores. Le prime premio es 500 euros, le secunde premio 300 euros, e cata mention honorific da un premio de 100 euros.

Reguarda ci le quatro films premiate (e selige le subtitulos in interlingua):

Prime premio (Carlos Eduardo de Paula, Brasil):

Secunde premio (Alberto Hernández, Mexico):

Mention honorific (Bruna Petrocelli, Brasil):

Mention honorific (José Antonio Vergara, Chile):