Nove editiones moderne de duo classicos ha essite publicate – discarga los gratuitemente.

UMIInterlingua. Język międzynarodowy – gramatyka opisowa  Poloneses – e omnes qui parla polonese – ha obtenite ancora plus de excellente utensiles pro apprender e usar interlingua.

Le extensive e explicative grammatica de interlingua, "Interlingua. Język międzynarodowy – gramatyka opisowa" per Mirosław Wiechowski ha essite publicate in un nove version con un lay-out moderne, gratias a Paweł Wimmer, le informator de interlingua in Polonia. Le grammatica es detaliate e contine numerose exemplos. Illo es de 282 paginas, e on pote discargar lo gratuitemente ab le section "Dictionarios grammaticas e cursos" in le formatos PDF, EPUB e MOBI.

Interlingua dla początkującychParallelmente ha essite publicate un nove version moderne del curso " Interlingua dla początkujących" (Interlingua pro comenciantes) per Marian Józefowicz, de novo redigite per Paweł Wimmer. Le curso ha 20 lectiones plus 26 breve textos ulterior con vocabulario. Como supplemento il ha un selection de themas ab "Vocabulario de interlingua secundo le centros de interesses" per Ric Berger e un supervista rapide del grammatica de interlingua, "Gramatyka Interlinguy w pigułce", per Ingvar Stenström. Le edition in formato PDF ha 152 paginas.

Visita le section polonese del Dictionarios, grammaticas e cursos.