Le classico excitante Robinson Crusoe, Interlingua pro infantes con 600 pictogrammas e le Statos Unite de America con fascinante historias es preste a inspirar infantes e juniores a apprender ben interlingua.

UMIInterlingua pro infantes  Naturalmente le infantes anque debe haber lor libros in interlingua.

Il ha ja multe materiales in interlingua pro infantes e juniores (visita i.a. Interlingua pro juniores), ma felicemente autores active assecura tote le tempore que nove materiales es publicate.

Tres nove libros pro infantes e juniores appare in maio al mesme tempore, gratias al grande labor de Jarmo Hietala de Finlandia, qui se ha dedicate a assecurar que il ha lectura interessante pro iste gruppo importante.

Robinson Crusoe"Robinson Crusoe scribite de novo pro infantes" es le aventura extraordinari que ha devenite un classico, scribite originalmente per Daniel Defoe ma rescribite per le americano James Baldwin in un linguage plus facile, in un forma abbreviate e sin le partes obtuse. Illo es plen de interessante illustrationes.

Con "Interlingua pro infantes" on apprende interlingua per pictogrammas e phrases! (Isto certo anque es attractive pro multe non-juniores.) Le libro presenta circa 600 pictogrammas de themas differente con le nomines in interlingua, e in le parte posterior on trova phrases simple in interlingua – naturalmente con picturas.

Statos Unite de AmericaInteressatos de geographia va amar "Statos Unite de America" – un presentation de omne le statos in interlingua e con multe interessante informationes e historias super le pais (assi nos apprende per exemplo que le nomine de Delaware veni de Baron de la Warr de Anglaterra). Il ha grande inspiration in iste libro.

Visita le section Libros pro infantes pro trovar le ligamines a comprar le nove libros – e studia le grande collection de altere titulos in e super interlingua in Litteratura in interlingua.