Duo nove episodios ha apparite con le molbos peculiar, e tote le dece historias ha essite registrate de novo in nove qualitate. Usa le materiales in cursos de interlingua – o pro tu proprie amusamento.

UMIUMI  In un region in Danmark vive un gruppo de population qui non es troppo intelligente. Le historias super illes es numerose, proque illes ha lor maniera toto special – e multo extraordinari – de solver le problemas quotidian.

Le serie super le molbos, como habitantes de iste region es appellate, ha ora essite supplementate con duo nove episodios, assi que il ha in total dece. E tote le dece ha essite registrate in audio, assi que on pote audir los, durante que on lege le breve textos, studia le explicationes e solve le questiones.

Le materiales super le molbos es utile pro cursos de interlingua. Jørgen Kofod-Jensen e Thomas Breinstrup del Union Danese pro Interlingua ha traducite le contos amusante, e Thomas Breinstrup ha registrate de novo tote le dece episodios que dura solmente inter 1½ e 3½ minutas cata uno.

Visita le section Material pro studios e discarga le documentos e le audio super le stupide molbos – o ab le altere series "Viages con interlingua" e "Cartas nordic".