Nove placard presenta le eventos importante in le historia del conferentias international de interlingua.

UMI25 conferentias de interlingua  Le jubileo de 25 conferentias international de interlingua esseva celebrate durante le justo passate evento in le capital polonese, Varsovia, le 29 de julio al 4 de augusto 2023.

Il esseva in le urbe Tours in Francia que toto comenciava in 1955. In le casa municipal esseva arrangiate le prime conferentia international de interlingua (appellate: congresso), e le Union Mundial pro Interlingua (UMI) esseva fundate durante iste conferentia.

68 annos plus tarde conferentia de interlingua numero 25 es un realitate. Un placard illustrate assembla eventos importante in le historia del conferentias international de interlingua e presenta tote le lista del 25 conferentias.

Discarga le placard "25 conferentias de interlingua" ci como un file PDF e imprime lo mesme in formato A3 o A4. Interessatos del historia de interlingua e le conferentias international de interlingua es recommendate leger le libro "Interlingua e su promotion durante 50 annos", scribite per Ingvar Stenström (1928-2021), qui participava in quasi tote le conferentias. Compra su excellente libro ci.