Carlos Valcárcel Riveiro, cuje sequitores in TikTok, YouTube e Instagram se conta in centos de milles, presenta su recepta de successo in Radio Interlingua.

UMIRadio Interlingua  Le stella de videos in interlingua, professor Carlos Valcárcel Riveiro ab le Universitate de Vigo in Espania, pote esser ascoltate in le nove emission de Radio Interlingua.

Durante le 25e conferentia international de interlingua in Varsovia le 29 de julio al 4 de augusto ille presentava su labor pro promover le cognoscentia a interlingua via le medios social TikTok, YouTube e Instagram, ubi su sequitores se conta in centos de milles, e via numerosissime interviews con medios local, regional, national e international.

Su presentation pote ora esser ascoltate in Radio Interlingua.

Radio Interlingua es radio totalmente in le international lingua auxiliar interlingua. Nos essaya includer si multe differente personas como possibile, proque il ha tante bon historias e interessante novas a narrar. Radio Interlingua assi es radio intelligente e radio interessante – e radio in interlingua. E Radio Interlingua es a disposition 24 horas per die, 365 dies per anno directemente in www.interlingua.com/radio o como podcast, isto es files in le formato MP3 que tu pote discargar e audir quando tu ha le tempore.