Ascolta le nove emission de Radio Interlingua directemente in www.interlingua.com o discarga lo como un podcast.

UMIRadio Interlingua  Le 70e emission de Radio Interlingua ha essite publicate. Illo celebra que in 2024 le "International Auxiliary Language Association" (IALA) – le organisation que nos dava interlingua in 1951 – esseva fundate ante 100 annos.

Le excitante historia antenatal de interlingua es narrate per Peter Gopsill e Brian C. Sexton del Societate Britannic pro Interlingua in tres articulos. Ascolta los in Radio Interlingua.

Le hospite de iste emission de Radio Interlingua es Thomas Breinstrup, redactor del Panorama in interlingua e presidente del Union Danese pro Interlingua.

Radio Interlingua es radio totalmente in le international lingua auxiliar interlingua. Nos essaya includer si multe differente personas como possibile, proque il ha tante bon historias e interessante novas a narrar. Radio Interlingua assi es radio intelligente e radio interessante – e radio in interlingua. E Radio Interlingua es a disposition 24 horas per die, 365 dies per anno directemente in www.interlingua.com/radio o como podcast, isto es files in le formato MP3 que tu pote discargar e audir quando tu ha le tempore.