Le grammatica del lingua le plus facile in le mundo plena solmente octo micro-paginas.

UMIMicrogrammatica de interlingua  Complicate? Le grammatica de interlingua? Non del toto – e ecce le prova!

Le micro-grammatica de interlingua in octo parvissime paginas – isto es toto que tu debe apprender pro poter usar le lingua le plus facile in le mundo, interlingua.

Iste supervista fulmine existe ora in svedese, danese, anglese, espaniol e interlingua. Un version in francese es sub elaboration. Le micro-grammaticas es publicate como files PDF, assi que on mesme pote discargar e imprimer lo in un numero de exemplares e distribuer los inter su familia e amicos.

In interlingua on rapidemente apprende le grammatica. Assi on pote dedicar se a augmentar su vocabulario e rapidemente usar le lingua activemente. Isto es vermente communication sin frontieras.

Visita le section Dictionarios, grammaticas e cursos pro le micro-grammaticas e multe altere materiales gratuite (dictionarios, grammaticas e manuales de interlingua) in numerose linguas.