Le grande collection de libros digital e audiolibros continua crescer – le plus recentemente con grande classicos.

UMI  Le grande collection de libros digital e audiolibros in interlingua continua crescer – le plus recentemente con grande classicos ab tote le mundo. E le lectura es totalmente gratuite.

Le Bibliotheca electronic in interlingua offere a omne interessatos de interlingua un abundantia de lectura de qualitate in interlingua, e toto es gratuite. Le e-libros e audiolibros – obras original e traductiones in omne generes e typos de litteratura – es facile a discargar e studiar. le Bibliotheca electronic in interlingua assi es un perfecte methodo pro aggrandir su vocabulario de interlingua e devenir plus bon a usar interlingua. Le Bibliotheca electronic continua crescer.

Justo addite es ancora un classico chinese, "Le Diario de un Phrenetico", scribite per le scriptor e critico social Lu Xun (1881-1936). Ille deveniva famose pro su participation active in le Movimento del Nove Cultura, in le qual intellectuales progressive proponeva le cultura occidental, per exemplo democratia e scientia, e rogava le application del lingua vulgar in vice del lingua antique.

In 1918, Lu Xun publicava su prime novella, Le Diario de un Phrenetico, que es le prime novella scribite in le lingua vulgar in le historia del litteratura chinese. Inspirate per le novella con le mesme titulo per Nicolai Gogol, Lu Xun, critica le hypocrisia e absurditate del cultura traditional desde le puncto de vista de un phrenetico. Hu Shengbao ha traducite le novella in interlingua pro l Bibliotheca electronic in interlingua. Ille anque traducite le historic classic chinese "Nie Xiaoqian" que anque es parte del Bibliotheca electronic.

Recentemente esseva anque addite duo obras per le scriptor svedese e ganiator del Premio Nobel de litteratura, Tomas Tranströmer (1931-2015), "Nyctalopia" e "Dece-septe poemas", e plus de e-libros es in preparation.

Explora le Bibliotheca electronic in interlingua - un ample collection de e-libros belletristic e professional, redigite e publicate per le Union Mundial pro Interlingua (UMI). Illo comprehende e-libros e audiolibros, preste a discargar e leger/audir.