Ascolta le nove emission de Radio Interlingua directemente in www.interlingua.com o discarga lo como un podcast.

UMIRadio Interlingua  In duo nove emissiones special Radio Interlingua presenta le ric litteratura in interlingua pro crear inspiration a leger plus e assi perfectionar su uso del lingua per extender su vocabulario active.

Le duo emissiones, del quales le prime (emission no. 71) ha justo essite publicate e le secunde (emission no. 72)venira intra poc dies, presenta un large selection de titulos interessante ab le litteratura in interlingua.

Il ha titulos original e traducite, titulos belletristic e professional, libros pro adultes e pro infantes, novellas, romanes, romanes policier, dictionarios, manuales, grammaticas, libros in interlingua facile a leger, libros musical, poesia, classicos del litteratura mundial e libros de autores qui scribe lor obras original in interlingua.

Tote le libros merita un publico plus grande. Pro isto Radio Interlingua presenta plus que 20 titulos multo variate como inspiration in le duo emissiones e explica como acquirer los. Anque le Bibliotheca electronic in interlingua con actualmente plus que 110 e-libros e audiolibros es presentate.

Radio Interlingua es radio totalmente in le international lingua auxiliar interlingua. Le emissiones pote esser ascoltate directemente in www.interlingua.com/radio o como podcast, isto es files in le formato MP3 que tu pote discargar e audir quando tu ha le tempore.

Visita Radio Interlingua