Ascolta le nove emission de Radio Interlingua directemente in www.interlingua.com o discarga lo como un podcast.

UMIRadio Interlingua  In su 73e emission, Radio Interlingua visita le exposition le plus grande de libros in Scandinavia, arrangiate in le secunde plus grande urbe in Svedia, Göteborg, in le fin de septembre. In un loco multo central le Societate Svedese pro Interlingua (SSI) ha su stand con placards, libros, duo canes ... e multe ursos.

Nos parla con Barbara Rubinstein e Inger Maria Olsson in le stand e con Claus Bruun del Union Danese pro Interlingua, qui lo visita. Audi anque Carlos Valcárcel Riveiro, le stella de interlingua in TikTok e YouTube, narrar del secreto de interlingua. Finalmente, nos visita le nove Club de conversation in interlingua in le centro de Copenhagen – e presenta bon consilios de como tu mesme pote establir un club de conversation.

Radio Interlingua es radio totalmente in le international lingua auxiliar interlingua. Le emissiones pote esser ascoltate directemente in www.interlingua.com/radio o como podcast, isto es files in le formato MP3 que tu pote discargar e audir quando tu ha le tempore.

Visita Radio Interlingua