UMI  Le Societate Svedese pro Interlingua (SSI) ha eligite nove membros del Consilio General del Union Mundial pro Interlingua (UMI).

Ingvar Stenström, secretario del SSI, esseva durante le incontro annual in Göteborg le 16 de septembre reeligite pro su posto. Le posto vacante post que Jan Årmann se retirava como presidente del SSI, esseva date a Erik Enfors, vice-secretario del SSI.

Illes duo debe ora representar Svedia e le SSI in le organo principal del UMI.

Cata pais con un organisation approbate per le UMI como le representante in le pais pote eliger duo membros al Consilio General. Le affaires quotidian del UMI es gerite per le Consilio Executive.