Le Union Norvegian pro Interlingua (NIU) ha eligite duo representantes pro le Consilio General del UMI.

Isto es facite in connexion con le cambio del direction in le NIU le 1 de januario 2008. Le nove presidente del NIU essera Roger A. Rognaas, le nove secretario Magne Heie e le nove tresorero Rolf Arvid Rökeness.

Åsmund Knutson Aukland, le presidente actual del NIU, continua como consiliero general del UMI. Le altere representante essera Roger A. Rognaas.

Le Consilio General del UMI consiste de duo representantes de cata organisation national affiliate con le Union Mundial pro Interlingua. Le consilieros prende cura del labor plus strategic e de longe termino in collaboration con le Consilio Executive. Le consilieros - un consiliero e un vice-consiliero - es eligite pro duo annos.