Le nove Union German pro Interlingua ha essite acceptate per le UMI, qui da su benvenita al duo consilieros german.

  Le novemente fundate Union German pro Interlingua (UGI) es ora le representante de interlingua pro le UMI in Germania.

Le Consilio General del UMI ha acceptate le UGI e da su benvenita al prime organisation german de interlingua. Usque ora Peter Liebig de Leipzig ha essite le representante official, ma post ora le UGI plena iste function.

Peter Liebig deveni le nove – e prime – consiliero del UGI in le Consilio General del UMI, e Harald Schmidt-El Khaldi ha essite eligite vice-membro. Ille es le vice-presidente del UGI, cuje presidente es Sven Frank, le secretario general del UMI.

Le consilio del UGI in ultra consiste de Manfred Magin, qui es le tresorero.

Le nove consilieros general pro Germania: (a sinistre) Peter Liebig e (a dextere) Harald Schmidt-El Khaldi. Photo: Alberto Mardegan

Lege anque:
Union German pro Interlingua fundate (2009-07-28)