Le UMI fortifica su position sur le Peninsula Iberic. Ja in februario un strategia plus detaliate va esser discutite.

UMICarlos Soreto, representante de interlingua in Portugal  Le position de interlingua sur le Peninsula Iberic es fortificate per le appunctamento de un nove representante de interlingua in Portugal.

Carlos Soreto, programmator professional de computatores e 48 (in februario 49) annos, esseva le 1 de januario 2010 appunctate per le Consilio General del Union Mundial pro Interlingua (UMI). Ille substitue Renato de Beça e Melo, 84 annos, qui longemente ha desirate retirar se.

Carlos Soreto participava in le 18ve Conferentia International de Interlingua in Germania in 2009 e es cognoscite como le redactor del pagina Labyrintho in Panorama. In su blog pro divulgar interlingua in portugese al adresse http://babel-ia.blogspot.com ille presenta aspectos de interlingua e explica super le lingua. Le formation de un association portugese pro interlingua es sur le lista de labor.

Ja in februario, ille participa in Granada in Espania in le preparationes de arrangiar le conferentia international de interlingua in le Peninsula Iberic in 2011. Le secretario general del UMI, Sven Frank, habera un incontro con le fortias iberic. Un collaboration con le interessatos de interlingua in Espania e le Union Brasilian pro Interlingua (UBI) in Brasil, ubi on parla brasiliano-portugese, es obvie.

Carlos Soreto es responsabile actual del gestion de bases de datos in le Division de Relationes International del Universitate de Coimbra. Ille esseva educate in linguistica e disciplinas del area del scientias social. Ultra esser programmator, ille es aranea e crea paginas web e CDs.

Le informationes de contacto del nove representante es: Carlos Soreto, Casa do Labirinto, R. de Arazede, 308, P-3060-712 Tocha; e-posta: interlusitana@gmail.com.

(Un articulo-portrait plus longe del nove representante va apparer in le edition januario-februario del Panorama in interlingua.)