Paolo Castellina narra a Radio Interlingua super su ideas e projectos pro interlingua e le Union Mundial pro Interlingua.

UMIRadio Interlingua  Le situation poterea esser melior, ma il ha un grande potential pro interlingua, e il ha le homines pro realisar lo. Dunque il se tracta de comenciar laborar.

Assi narra Paolo Castellina, le nove secretario general del Union Mundial pro Interlingua, in un interview con Radio Interlingua in le emission pro augusto.

Thomas Breinstrup, le redactor de Panorama in interlingua, parla con Paolo Castellina durante 17 minutas, ubi on pote audir le nove secretario general narrar super su considerationes e su projectos actual. Le interview va esser publicate in le veniente edition del Panorama.

Radio Interlingua publica cata mense un nove emission totalmente in interlingua sub le redactorato de Péter Kovács, Hungaria, qui in augusto 2008 assumeva le carga. Le emissiones ha devenite multo popular. Milles de personas los discarga in formato MP3 o ascolta directemente in www.interlingua.com/radio. Ci on trova anque omne le previe emissiones de Radio Interlingua.