Freiburg
Visita le pagina official del 20esime Conferentia International de Interlingua

Le UMI invita membros interessate a collaborar super le promotion public del 20me conferentia international de interlingua in julio 2013.

UMIMappa  Le 20me conferentia international de interlingua in julio 2013 se approxima, e il es tempore pro promover lo plus vastemente.

Pro isto le Union Mundial pro Interlingua (UMI) invita omne membros a participar in un gruppo de labor que debe promover e crear reclamo pro le conferentia que habera loco in Freiburg in le sudwest de Germania le 27 de julio al 3 de augusto - le loco con le plus de sol in Germania.

Le nove gruppo de labor - o commission pro le promotion - debe coordinar ideas e mesme esser active in informar super le conferentia in foros digital, sitos de Internet, messages, litteras, articulos a jornales e tote altere methodos que le gruppo trova apte.

Presidente del commission publicitari es Thomas Breinstrup, redactor del Panorama in interlingua e secretario del Union Danese pro Interlingua. Ille spera que multes vole dar un mano - o preferibilemente duo -, assi que le promotion deveni si extense como possibile.

On debe inscriber se per nomine e adresse electronic in http://lists.interlingua.com/listinfo.cgi/conferentia-promotion-interlingua.com. Pois on debe scriber un message separate a Thomas Breinstrup a panorama@interlingua.com con un curte explication de lo que on pote contribuer. Alora on recipe le regulas e conditiones de participation, que comprehende un promissa de tractar le discussiones interne como confidential. Nam isto assecura que omne bon ideas pote esser discutite, planificitate e coordinate in le optime maniera, assi que le promotion del conferentia devenira si efficace como possibile.

Le UMI ja ha establite un commission pro le programma del conferentia.

Lege plus super le 20me conferentia international de interlingua