UMICar omnes,

Le Union Mundial pro Interlingua (UMI) ha comenciate le organisation del Conferentia International de Interlingua 2019. Le conferentia habera placia inter dominica le 22 e venerdi le 27 de septembre de 2019.

Con le experientia del successose conferentia de 2017 in Las Palmas, nos repetera un structura flexibile, que permittera le contribution de membros que non pote assister al totalitate del conferentia.

Le blocos del structura gruppa le presentationes in duo o tres dies, e lassa le labor de workshops e activitates social pro le altere dies.

Le loco non es ancora definite. Nos es multo interessate in reciper suggestiones e adjuta pro trovar le proxime loco. Nostre intention es informar super le loco durante le Incontro Nordic de Interlingua 2018.

In le nomine del UMI, io vos desira felice festas e un prospere nove anno.

Con salutes amical,

Julian Mendez
Secretario General, UMI

( conferentia @ interlingua . com )