Interlingua es ora presentate brevemente in 42 linguas – e il ha multe altere materiales de interlingua pro interessatos e usatores in www.interlingua.com.

UMIInfo national  Le mini-presentation de interlingua sub Info national existe ora in ancora sex linguas: croato, gaelico, greco, latviano, maltese e sloveno. Le mini-presentation explica brevemente que es interlingua, e como pote on usar lo in numerose situationes. Interlingua es ora presentate in 42 linguas. Si tu pote assister con plus de linguas, per favor, contacta le Union Mundial pro Interlingua.

In le section Hallo, hallo: Nos presenta interlingua personas ab tote le mundo presenta interlingua in breve films in lor proprie lingua. Visita le pagina, selige le lingua(s) que tu cognosce, e audi le narration personal de usatores de interlingua.

In le section Inseniamento il ha multe materiales gratuite pro cursos e circulos de studio de interlingua – o pro studios in casa. Discarga le multe materiales in formato PDF, e imprime los mesme – o usa los sur le schermo.

Sub Dictionarios e cursos tu trova manuales, dictionarios, grammaticas e cursos de interlingua in multe lingua, toto gratuite e preste a discargar e studiar. Explora mesme le multe possibilitates, e usa los!