Servicio de Traductiones
In iste tempores de globalisation e internet, firmas e organisationes cerca clientes e contactos in tote le mundo. Pro isto frequentemente se vide un mesme sito web con versiones parallel in duo o plus linguas. Non tote le sitos, totevia, pote pagar le costos de traduction, e assi lor publico remane restricte al parlantes de un lingua, mesmo si alcunes de iste sitos ha un grande potential de expansion.
In iste contexto, le characteristica le plus marcante de interlingua — le legibilitate immediate, sin studio previe, per lectores de diverse nationalitates — ha un appello fortissime.
Considerante iste panorama, le Union Mundial pro Interlingua ha initiate le Servicio de Traductiones. Su objectivo es fornir traductiones in Interlingua commercialmente pro:
- sitos web
- articulos scientific
- manuales
- communicatos de pressa
- etc.
Traductiones GRATIS!
Traductiones es offerite gratuitemente a sitos web sub le sequente conditiones:- le sito es scribite in solmente un o duo linguas;
- le sito attrahe un bon quantitate de personas diarimente;
- le contento del sito non es multo extense e non es subjecte a actualisationes multo frequente.
Demanda ja un traduction. Utilisa iste formulario. Le campos indicate con asterisco (*) es obligatori.