21me Conferentia International de Interlingua

Iste pagina va esser sempre actualisate con le novas le plus recente super le 21me conferentia.

  Le UMI invita omne interessatos e lor familias al 21me Conferentia International de Interlingua in Benidorm in Espania con 300 dies con sol per anno le 19-24 de septembre 2015. Le session de apertura essera le 20 de septembre, e le conferentia fini le 24 de septembre. Veni apprender e practicar interlingua e experientia su possibilitates como un belle lingua international in amicitate, collaboration, recreation e amusamento!

Nostre conferentia recreative, educative e productive es pro omne nivellos de interesse in interlingua, de novicio a parlante fluente:
- Cursos de interlingua pro comenciantes e avantiatos
- Programma de discursos e seminarios interessante
- Diverse excursiones pro explorar le ambiente historic
- Collaboration pro diffunder interlingua
- Facer nove amicos e incontrar personas interessante

Le plagia famose de Benidorm al costa est de Espania es proxime al centro conferential. Photo: Hotel Tanit

Le conferentia habera loco in le Hotel Tanit (http://www.hoteltanit.com).

• Conferentia successose, laboriose - e calide
• Grande conferentia de interlingua in septembre in Espania
• [INSCRIPTION NON PLUS POSSIBILE]: Formulario de inscription - formulario pro inscriber se al 21me conferentia. NB: Precios reducite, si on se inscribe ante le 31 de julio 2015
• Invia un salute al conferentia!

• Aeroporto de Alicante (ALC)
• Hotel Tanit, le centro conferential
• Wikipedia in interlingua: Benidorm

• On debe mesme arrangiar su transporto a e ab le hotel. Le autobus shuttle del aeroporto costa 6 euros per persona in un direction o 13 euros, si on vole viagiar plus rapidemente. Le precio es quasi le mesme per persona, si on viagia plure personas insimul.

• Inscription ante le 31 de julio:
  • €240 - precio reducite pro juvenes nascite a partir de 1988 (camera a duo o tres lectos)
  • €320 - precio pro un camera dividite (duo lectos)
  • €400 - precio pro un camera singule (un lecto)
  • €110 - participation sin camera e sin repastos
  
  
• Inscription inter le 31 de julio e le 5 de septembre (inclusive):
  • €270 - precio reducite pro juvenes nascite a partir de 1988 (camera a duo o tres lectos)
  • €350 - precio pro un camera dividite (duo lectos)
  • €430 - precio pro un camera singule (un lecto)
  • €110 - participation sin camera e sin repastos

Le 5 de septembre es le ultime data pro inscriber se. Per favor, va al scheda de inscription [INSCRIPTION NON PLUS POSSIBILE] e paga primo un deposito de 90 euros; paga le resto ante le 5 de septembre 2015.